Cine -Tv - Escena


Últimos coletazos de SACO 3

Redacción
Sábadu 18, Marzu de 2017, 12:53 pm

Sábadu  18 de marzu

18h. Teatru Campoamor .

DECORÁU

Director:Alberto Vázquez

España | 2016 | 11 min.

La estética kawaii de los animalinos del monte, entemecida con unos ellaboraos fondos qu'evoquen los grabaos de Durero configura un de los meyores, más escuros y ácidamente críticos curtiumetraxes españoles del añu. Alberto Vázquez (Birdboy, Psiconautas) constrúi una maxistral fábula terrorífica y cómica en pequeños actos na que sale a rellucir esta sociedá de les apariencies, na que nada ye lo que paez.

LA PUERTA ABIERTA

Director: Marina Seresesky

España | 2016 | 84’ | color | español

Rosa vive cola so madre, a la que tien qu'atender. D'ella heredó l'oficiu de prostituta y una amargura que-y torga ser feliz. Lúcida combinación d'humor y drama, con unos personaxes bien dibuxaos que conformen una peculiar familia. Ensin dulda una de les sorpreses más prestoses de la temporada.

 

20.30h Teatru Campoamor.

¡SACA! ¿SACO? HISTORIAS DEL OESTE

Producción SACO, (estrenu absolutu)

Audiudrama dirixíu por Federico Volpini.

Audiudrama sobre la película de Sergio Leone El bonu, el feu y el malu. Nel escenariu del Campoamor, un grupu d'actores, encabezaos pol periodista y escritor Federico Volpini, y La Bande presenten un espectáculu qu'entemez el cine, la música y el radiuteatru. ¿El so oxetivu? Rindir un particular tributu a una de les obres maestres del creador del spaghetti western.

 

22.30h Teatru Campoamor.

CINEMA NOVO

Director: Eryk Rocha

Brasil | 2016 | 90’ | color | portugués con sotítulos n'español

Eryk Rocha ufiértanos un apasionante viaxe a un cine que tresformó'l panorama de Llatinoamérica. Un grupu de directores brasileños nes décades de los 50 y 60 camudó de forma radical la estética y l'enfoque temáticu, dando llugar a la corriente conocida como Novo Cinema. Según el mesmu Rocha diz: “foi un movimientu bien poderosu que contribuyó a estrar enfoque revolucionariu de la realidá d'aquella dómina”

 

Domingu  19 de marzu

18h. Teatru Filarmónica .

EN MODO SILENCIO

Directora: Teresa Marcos

Asturies | 2016 | 69’ | color | español

A mediu camín ente'l cine social y el puru cine de xéneru negru, Teresa Marcos presenta'l so segundu llargu. Les llamaes de teléfonu articulen un relatu en tonu de thriller qu'amuesa a unos personaxes atrapaos nuna fantasmagórica redolada postindustrial.

20.30h Teatru Campoamor

IMPROVISIÓN

(Producción SACO, estrenu absolutu)

Improviso + cine surrealista.

El colectivu artísticu Improviso intervién cola so música sobre tres pieces capitales del cine surrealista:

Un perru andaluz, de Luis Buñuel

Ballet mécanique, de Fernand Léger

Le retour à la raison, de Man Ray

L’ ensemble intuitivu Improviso, col so enfotu por esplorar lo astracto y el surrealismu al traviés de la música y la danza, ye'l conxuntu ideal pa reinventar en direutu les bandes sonores d'estes trés películes clásiques de Buñuel, Léger y Man Ray. Utilizando la improvisación llibre y conducío, l’ensemble promete ser una ponte ente la vanguardia del presente y la de casi un sieglu.

 

 


Alejandro Díaz Castaño ye'l nuevu direutor de Festival Internacional de Cine de Xixón

Redacción
Xueves 16, Marzu de 2017, 4:02 pm

Alejandro Díaz Castaño ye'l nuevu direutor de Festival Internacional de Cine de Xixón.

Dempués de meses d'espera, dempués de concursos y reconcursos, el FICX tien por fin nueva dirección. El xixones Alejandro Díaz Castaño, que ta acabantes de presentar el so nuevu trabayu IHESA /LA FUGA na Selmana del Audiovisual Contemporaneu d'Uviéu (SACO), va faese cargu del timón del Festival de Cine de Xixón nes próximes ediciones.

Alejandro Díaz Castaño yá trabayara nel FICX na dómina de Cienfuegos y na actualidá exercía de Programador del Festival Européu de Sevilla.


Fin de selmana a SACO

Redacción
Sábadu 11, Marzu de 2017, 11:20 am

Esti vienres entamó la Selmana del Audiovisual Contemporaneu d'Uviéu SACO3 que va tar presente na capital asturiana hasta'l prosimu domingu 19 de marzu.

Esta ye l'amplia propuesta pa esta fin de selmana:

Sábadu:

12h Teatru Filarmónica. LaSema (4-8 años)

13h El Manglar. Vermú con Pablo Und Destruktion dj

17h Teatru Filarmónica. Madame Courage

Direutor: Merzak Allouache

Arxelia, Francia | 2015 | 89’ |  color | árabe, sotituláu n’español

Omar vive nun barriu de chaboles cola so madre y la so hermana, ye un mozu solitariu y inestable que se busca la vida robando lo que pué. Ye adictu a un famosu sicotrópicu conocíu como “Madame Courage” (Doña Valor), les pastiélles Artane, bien popular ente la mocedá arxelino gracies a los sos efectos eufóricos y d'invencibilidad. Pero daqué camuda dientro d'Omar cuando decide roba-y a la moza.

17h Muséu de Belles Artes con Albert Serra

19h Teatru Filarmónica. La muerte de Luis XIV

Direutor: Albert Serra

Francia, España, Portugal | 2016 | 115’ | color | francés, sotítulos n’español

Luis XIV, el conocíu Rei Sol, vese obligáu a permanecer na cama por cuenta d'un fuerte dolor nuna pierna. Esto ye l'empiezu del fin del monarca, quien asistíu por médicu y cortesanos vive los sos últimos momentos. Nel so cuartu del palaciu de Versalles somos testigos del ocasu de la personalidá más poderosa de la Francia del sieglu XVII

22.30h Teatru Filarmónica. Recordando a Cohen. Omega

Direutores: José Sánchez-Montes y Gervasio Iglesias

España | 2016 | 80’ | color, B/N | español

En 1996 asoleya'l discu Omega, una collaboración ente'l cantaor Enrique Morente y el grupu granadín Lagartija Nick. Esti discu que fundía'l flamencu col rock cuntaba con adaptaciones de poemes de Lorca y con temes del apocayá fináu cantautor canadiense Leonard Cohen. Al traviés de distintos testimonios, ente los que s'atopen figures del flamencu como Tomatito,  Vicente Amigo y Alberto Manzano, amás de músicos d'otres escenes como Pat Metheny o Lee Ranaldo, de Sonic Youth, la película amuésanos la xestación d'esti revolucionariu discu. Una grabación considerada de cultu anguaño, pero que nel so momentu nun foi entendida en tola so estensión

00.30h La Salvaje. Fiesta. Stephen Hawkin  Experience + Ronny Rio dj

 

 

Domingu:

12h Teatru Filarmónica. LaSema (8-12 años)

13h Lata de Zinc. Vermú con The Human Jukebox

18h Teatru Filarmónica. La Plomada

Direutores: Luis Argeo, James D. Fernández

España | 2016 | 55’ | color | inglés, sotituláu n’español

Va años que'l cineasta asturianu Luis Argeo recueye nel so trabayu les buelgues de la emigración española y asturiana n'Estaos Xuníos. Argeo estrenó en 2006 la so primer película, AsturianUS a la que siguió Corsino, by Cole Kivlin en 2010. Al pie de James D. Fernández lidera'l proyectu archivísticu documental Nin flaires nin conquistadores: Spanish Immigrants in the US.Enllazando col so anterior trabayu, Un llegáu de fumu, West Tampa y Ybor City, nel estáu de Florida, son l'escenariu que la película convídanos a percorrer unes cais qu'allugaron les numberoses fábriques de tabacu que convertieron a esos llugares na capital mundial del tabacu”. La plomada apóyase nos relatos y alcordances de los sos habitantes d'orixe español (emigrantes asturianos na so mayoría), y nos vestixos d'una dómina y unes xentes que tán yá a puntu de desapaecer.

20h Teatru Filarmónica. La bahia

Direutor: Bruno Dumont

Francia | 2016 | 122’ | color | francés, con sotítulos n’español

Bruno Dumont plantega una comedia negra que nun dexa títere con cabeza. El retratu d'una familia burguesa de vacaciones nuna apacible villa cercana al mar, conviértise nuna esbarriada hestoria policiaca trevesada por un amor imposible. El gordu y el flacu o los Monty Python s'alíen con Buñuel pa dar llugar una peculiar traxicomedia, mientres los nuesos protagonistes desapaecen misteriosamente.


laSEMA va ufiertar trés programes de curtios a más de 6.500 escolinos uvieinos

Redacción
Martes 14, Febreru de 2017, 8:13 pm

El programa más mozu de la tercer Selmana del Audiovisual Contemporaneu d'Uviéu (SACO) llámase laSEMA y nesta edición va ufiertar a más de 6.500 escolines y escolinos uvieinos trés programes de curtiumetraxes diseñaos pol prestixosu Festival Internacional de Clermont-Ferrand.

laSEMA , toma'l so nome del verbu semar, y eso ye lo que pretende faer esta sección: educar a los futuros espectadores y abrir horizontes, semar en neños y adolescentes el gustu pol bon cine, amás de ayudar na so formación. Pa ello, SACO cunta cola ayuda de Clermon-Ferrand, el más importante festival de curtios del circuitu internacional.  El certame diseñó un programa triple, estremáu n'edaes: 4-8, 8-12 y 12-16. 

laSEMA va ufiertar 17 títulos que participaron en numberosos festivales internacionales. Tratase de novedoses propuestes narratives y estétiques que triunfaron en certames como Annecy, Anima Mundi, Sapporo y Clermont Ferrand. Gracies al gran interés de los colexos, laSEMA va entamar unos díes primero que SACO. Los trés programes van desenvolvese nel Teatru Filarmónica del 6 al 17 de marzu, en  17 sesiones.

La Conceyalía d'Educación del Conceyu d'Uviéu collaboró con SACO na organización de les visites de los alumnos. Ye'l segundu añu que'l certame entama una sección pa neños y adolescentes. L'añu pasáu pasaron pel Filarmónica 927 alumnos de 7 colexos, y nesta edición, laSEMA va acoyer a más de 6.500 neños y neñes de 39 centros.

 

La esbilla de laSEMA pa esti añu ye la siguiente:

 

Programa 4-8 años

Seis curtiumetraxes de distintes filmografías europees formen esti programa pa escolares de 4 a 8 años. Son los que vienen darreu:

Come On! (Nicolas Diologent, Francia, 2015)

Tigeris (Janis Cimermanis, Letonia, 2010)

La ley del más fuerte (Pascale Hecquet, Francia, Bélxica, 2015)

Mobile (Verena Fels, Alemaña, 2010)

El pingüino pescador (Leevi Lemmetty, Finlandia y Irlanda, 2015)

Music for one apartament and Six Drummers (Ola Simonsson y Johannes Stjärne Nilsson, Suecia, 2001)

 

Programa 8-12 años

Cinco curtiumetraxes d’Europa y África integren el programa pal alumnáu de 8 a 12 años. Son los siguientes:

Azul (Aurelien Dyhayon, Maxence Martin, Sébastien Iglesias, Rémy Busson, Paul Monge y Francis Canitrot, Francia, 2012)

Loot (Greg Rom, Sudáfrica, 2012)

Grouillons-nous (Margot Reumont, Bélxica, 2015)

Hey, Ciervo! (Ors Bárczy, Hungría, 2015)

Pro Mamu (Dina Velikovskaya, Rusia, 2015)

¡Pánico!(Joost Lieuwma y Daan Velsink, Holanda, 2015)

 

Programa 12-16 años

El programa empobináu a adolescentes ta formáu por cinco curtiumetraxes de filmografías tan alloñaes como Corea del Sur, Nueva Zelanda, Senegal y Francia. Son los siguientes:

Allegro (Yoon-Cheol Joo, Corea del Sur, 2011)

Cirage (Christophe Tardy. Se)negal. 2011)

Capitán 3D (Victor Haegelin, Francia, 2015)

Louis (Violaine Pasquet, Francia, 2015)

Escargore (Olivert Hilbert, Nueva Zelanda, 2015)


SACO3 adelanta parte de la so programación

Redacción
Vienres 10, Febreru de 2017, 1:38 am

Dende la dirección de la Selmana del Audiovisual Contemporaneu d’Uviéu (SACO) van adelantándonos cosines d'esta tercer edición que va tener llugar ente’l 10 y el 19 de marzu na capital asturiana:

La tercer Selmana del Audiovisual Contemporaneu d'Uviéu va entamar la so tercer edición nel Teatru Campoamor cola première del documental “Rodrigo Cuevas. Campo y tablas”, de Manuel García Postigo y Ojos de Hojalata. Nun va ser ésti l'únicu estrenu de SACO qu'acueya'l Campoamor. El certame súmase a la celebración del 125 aniversariu del coliséu uvieín con dos espectáculos de producción propia: ImproVisión y l’audiudrama ¡Saca! ¿SACU? (El spaghetti western). El programa escénicu va completase con El Agitador Vórtex, película multixéneru que se va rodar y exhibir nel escenariu del propiu Teatru Campoamor. La entrada de tolos espectáculos ye de baldre.

Rodrigo Cuevas. Campo y tablas

(première)

de Manuel García Postigo y Ojos de Hojalata, España, 2017)

Teatru Campoamor, vienres 10 de marzu, 20:30 h

Première del documental dirixíu por Manuel García Postigo y Ojos de Hojalata, y producíu por Álex Zapico. Rodrigo Cuevas va ser el maestru de ceremonies d'esti estrenu absolutu: el públicu va poder esfrutar de dellos temes incluyíos n'El mundu por montera, el so segundu espectáculu en solitariu.

“Rodrigo Cueves. Campo y tablas” nació va un añu, cuando Manuel García Postigo y Álex Zapico conocen al músicu asturianu y empiecen a siguilu en delles actuaciones. Danse cuenta de que tres el personaxe de Rodrigo Cuevas había un gran músicu con un gran bagaxe. “Asina que nos llanzamos a una aventura que diera a conocer al Rodrigo qu'había detrás de les madreñes y del xaqué y, la verdá, la esperiencia nun pudo ser más enriquecedora”, cunta'l direutor, quien conclúi que “la idea del documental ye ufiertar un retratu cercanu y íntimu del artista: les sos aspiraciones, los sos mieos, los sos suaños…”.

Al finar el pase, va haber un alcuentru col públicu nel que van participar Rodrigo Cuevas, Manuel García Postigo y Álex Zapico.

El Agitador Vórtex

(estrenu n'Asturies)

Espectáculu de Cristina Blanco a mediu camín ente'l teatru y el cine.

Teatru Campoamor, miércoles 15 de marzu, 20:30 hores.

“El Agitador Vórtex” ye una película multixéneru de cine “fecho a mano” rodada y montada en direutu nel escenariu, cunta la so creadora. “Ye un thriller cómicu-musical de ciencia ficción con toques de terror y aición con karaoke románticu y artes marciales en traxe rexonal nel que la moza llucha contra'l mal”, esplica Cristina Blanco.

Nesti homenaxe al cine y a la escena, Cristina Blanco parte del deséu de trabayar con distintos xéneros y formatos cinematográficos, escénicos y musicales analizando les convenciones de caún pa poder cuestionar les sos normes y los sos mecanismos particulares. ¿El resultáu? “Un colax en vivu de xéneros que dialoguen ente sí mesmos, rompiendo colos códigos que los conformen, cuestionando la natura de los mesmos y xugando a camudar les sos normes”.

¡Saca! ¿SACO? (El spaghetti western)

(Producción SACO, estrenu absolutu)

Audiudrama dirixíu por Federico Volpini.

Teatru Campoamor, sábadu 18 de marzu 20:30 hores

Audiudrama sobre la película de Sergio Leone El bonu, el feu y el malu. Nel escenariu del Campoamor, un grupu d'actores, encabezaos pol periodista y escritor Federico Volpini, y La Bande presenten un espectáculu qu'entemez el cine, la música y el radiuteatru. ¿El so oxetivu? Rindir un particular tributu a una de les obres maestres del creador del spaghetti western.

 Foto: Julio Calvo González

ImproVisión

(Producción SACO, estrenu absolutu)

Improviso + cine surrealista.

Teatru Campoamor, domingu 19 de marzu, 20:30 hores

El colectivu artísticu Improviso intervién cola so música sobre tres pieces capitales del cine surrealista:

  • Un perru andaluz, de Luis Buñuel
  • Ballet mécanique, de Fernand Léger
  • Le retour à la raison, de Man Ray

L’ ensemble intuitivu Improviso, col so enfotu por esplorar lo astracto y el surrealismu al traviés de la música y la danza, ye'l conxuntu ideal pa reinventar en direutu les bandes sonores d'estes trés películes clásiques de Buñuel, Léger y Man Ray. Utilizando la improvisación llibre y conducío, l’ensemble promete ser una ponte ente la vanguardia del presente y la de casi un sieglu.

 


1 | 2 | 3 | 4 | 5 | 6 | 7 | 8 | Siguiente » | Última »»

Últimas
Al azar

Hemeroteca

Buscador