Lliteratura


Lletres, femenín plural. Actos institucionales de la 38 Selmana les Lletres

Redacción
Vienres 21, Abril de 2017, 4:43 pm

Xueves 27 d’abril. Día de les Lletres nel exterior

20h. Centru Asturianu de Madrid

  • Presentación-coloquiu del llibru “Escritores asturianes. Antoloxía de testos n’asturianu y gallego-asturianu”
  • Actuación d’Anabel Santiago 

 

Martes 2 de mayu

10-12h Uviéu. Xunta Xeneral

  • Visites escolares guiaes en llingua asturiana y gallego-asturiano.

10-14h Xixón. Cimavilla

  • Visites escolares guiaes pel barriu de Cimavilla

12h Uviéu. Xunta Xeneral

  • Llectura pública institucional de testos n’asturianu y gallego-asturianu

19.30-21h Xixón. Cimavilla

  • Visita guiada pel barriu Cimavilla. (Máximu 25 persones. P’acutar: 985106741 o splnormalizacion@asturias.org dende’l llunes 24 al vienres 28)

19.30h. Uviéu. Auditoriu (Sala de Cámara)

  • Muyeres y lletres. Actu homenaxe a les escritores asturianes.
  • Llectura dramatizada de restos escritos por muyeres (Con Carla Loga y Ernesto González como actores, acompañaos por Amparo Antuña al pianu)
  • Actuación d’Anabel Santiago

Miércoles 3 de mayu

10-14h Uviéu. Cascu históricu.

  • Visites escolares guiaes

18-21.30h. Corvera

  • Versovera. Atopada poética de Corvera (En colaboración cola Casa de la Llingua-SNLl de Corvera)
    • De 18 a 19.30h nel Centru Cultural de Cancienes
    • De 20 a 21.30h nel Centru Cultural de Les Vegues

19.30h-21h. Uviéu. Cascu históricu

  • Visita guiada pel Cascu históricu d’Uviéu. (Máximu 25 persones. P’acutar: 985106741 o splnormalizacion@asturias.org dende’l llunes 24 al vienres 28)

19.30h. Grau. Capiella de los Dolores. (En collaboración cola Fundación Aula de les Metáfores)

  • Llectura poética al cargu d’Ángeles Carbajal, premiu “Xuan Mª Acebal” de Poesía 2016.
  • Entrega de diplomes del “IV Premiu de Poesía Selmana de les Lletres”, p’alumnáu del conceyu de Grau.
  • Actuación musical d’alumnáu del Conservatoriu Superior de Música Eduardo Martínez Torner

Xueves 4 de mayu

12h. Avilés. Plaza Domingo Álvarez Acebal

  • Inauguración de la V Feria del Llibru y Discu n’asturianu.
  • Presentación del llibru “Escritores asturianes. Antoloxía de testos n’asturianu y gallego-asturianu”

La Feria va tar abierta de xueves a sábado de 11 a 14h y de 17 a 21h. El domingu de 11 a 19h

18h Xixón. Teatru de La Laboral

  • Gala d’entrega de los premios del IV Certame de teatro escolar en llingua asturiana y gallego-asturianu. Cola representación d’obres premiaes y la entrega de premios en toles categorías.

Vienres 5 de mayu. Día de les Lletres Asturianes

12h Mieres. CP Santiago Apostol

  • Actu escolar institucional de celebración de la 38 Selamana de les Lletres Asturianes.
  • Intervención d’autoridades
  • Estrega de premios del XXII Certame de creación artística /lliteraria, XIV Certame de Cartelismu y VI Certame de Creación Audiovisual.
  • Actuaciones

Sábadu 6 de mayu

19h A Caridá. Auditoriu da Casa das Quintas

  • Homenaxe ás nosas lletras.
  • Espectáculu musical País Malva, de Muyeres.

Llunes 8 de mayu

11h Xixón. Teatru de La Llaboral

  • Espectáculu “Histories detectivesques”, de Guayominí Producciones, p’alumnáu de Primaria

19h Corvera. Centru Sociocultural de Les Vegues

  • Representación teatral de “Yeren dos guah.es…(Los versos de Vitor Manuel como obres de teatro”, al cargu de los Talleres de teatro p’adultos de Corvera.

Martes 9 de mayu

11h. Xixón. Teatru de La Llaboral

  • Espectáculo “Disculpe, caballeru”, de ZigZag Danza, p’alumnáu de Secundaria.

19.30h Uviéu. Sala Borrón

  • Entaína a escribir. Segundu concursu de microrellatos improvisaos n’asturianu pa xente mozo

 

 


Programación estra nel Gijón Sound Festival

Redacción
Vienres 24, Marzu de 2017, 11:31 am

Presentación del Llibru: “Loco. Cómo no llevar un estudio de grabación”  (Hurtado y Ortega editores)

La presentación del llibru va tener llugar el sábadu 1 d'abril a les 18:30 hores nel Salón d'Actos Antiguu Institutu.

Cuatro de les figures más sobresalientes de la escena musical xixonesa van dar voz a esta charra-coloquiu. Alcuentru que va sirvir como presentación del llibru cola presencia de:.

  • Boni Perez.
  • Pedro Vigil.
  • Nacho Vegas.
  • Paco Loco.  

 

30 Díes en bici na Favorita

GijónSound Festival repite collaboración con 30 Díes en bici, iniciativa que promueve l'usu diario y cotidianu de la bicicleta cola propuesta de pedaliar a cualesquier parte tolos 30 díes d'abril. Tou vale, una vuelta a la mazana, 20 km hasta'l trabayu o un paséu al atapecer, ¡lo que sía que siente bien! .Y pa dar pistolazu de salida a los 30 Díes en bici que nos esperen:

31 de marzu, 21:00 hores, Kick off Party nel Patiu de la Favorita cola bona música de DJ Diba

31 de marzu, 23:59 hores, Kick off Ride

Al filu de la medianueche, un añu más vamos cumplir cola lliturxa: recibir “el nuesu mes xubíos a la bici: vamos salir a la cai, vamos coyer les bicis y a les 00:00 hores del día 1 d'abril vamos tar dando'l primer paséu en bici. El Kick off Ride, como siempres una oportunidá pa esfrutar de les cais vacíes de coches y del silenciu, esa preciada ayalga na urbe cochista. Un suañu fechu realidá.

 

 


Se dice poeta. Sofía Castañón

Alba González Sanz Juan Tizón
Xueves 5, Marzu de 2015, 12:29 pm

“La esperiencia histórica diznos que denunciar la desigualdá ofiende muncho”

 

Nenguna de les dos ye periodista. Pue que, por eso, nun importa que nun podamos sentanos frente a frente pa esta charla; o que les dos tengamos dalgo de xuez y parte nel tema que tratamos. Nun importa qu’a les dos –y equí falo cola confianza de munchos años– pasásenos yá’l virus esi de la objetividá y la verdá y la ciencia qu’al final nun fai sinon conducir el conocimientu y el pensamientu, en cuenta de permitir que encarnemos aquello que somos, pensamos o sentimos. 

Desvíome, pero en realidá non, al escribir dende l’otru lláu del océanu lo que sigue, sabiendo que la escritora y directora Sofía Castañón (Xixón, 1983) duerme con suerte y, si non, pelegrina un pasiellu en compañía del otru pegoyu d’esti proyectu, el director de fotografía y editor Juan Tizón (Xixón, 1981), porque hai una criatura que medró col documental a la que puede que-y  los caniles.

Se dice poeta ye un proyectu de cuasi dos años: de la idea al metraxe estrenáu’l cinco d’ochobre nel  Centru Niemeyer. D’una serie de duldes y puntos ciegos sobre la propia presencia pública como escritora a compartir eses preguntes con 21 compañeres de profesión poética y montar 90 minutos de reflexón coral onde tampoco falten otres persones vinculaes a lo poético dende’l mundu editorial, l’educativu o dende otres disciplines artístiques. Como ganchu, dos palabres: poeta y poetisa. La existencia, precisamente nesti campu, d’un femenín con el que las interesadas no parecen sentirse generalmente cómodas, cuando la posibilidad de nombrarse de forma acorde al propio deseo es en otras ocasiones tan complicada…

Lenguaje y poder. Bajo la palabra inocente se esconde la visión del mundo. En el tiempo desde la idea al metraje, surge una alerta constante en la conversación relacionada precisamente con las trampas simbólicas, con lo que sólo en apariencia es inocente. Este documental desmonta alguna de esas inocencias, pone sobre la mesa la debilidad de las ideas preconcebidas. Lenguaje y movimiento: la certeza clarísima de que decir es el único arma disponible cuando se está viva.

 

Se dice poeta ye una mirada de xéneru al panorama poéticu d’una xeneración criada en teóriques democracia y igualdá, qu’inclusive se consideraba ayena a delles lluches polítiques, mui especialmente la feminista. A esta xeneración una crisis desnudadó-y les mentires fundacionales. Empezasti esto pa compartir preguntes en cuantes a esa igualdá teórica nel ámbitu poéticu. ¿Qué te “desnudó” a ti esti documental?

 Desnudóme les mios propies contradicciones. Por exemplu, querer falar de delles situaciones onde se trataba a les poetes como oxetos xulgando única y duramente la so imaxe y, al empar, sentir pudor al preguntar sobre esto.

 

La esperiencia histórica diznos que denunciar la desigualdá ofiende muncho, especialmente a les persones que se ven desenmascaraes, a les que se retrata na so falsedá. ¿Pasó pela to cabeza, en dalgún momento, dalgún mieu o reparu al pensar na recepción d’esta obra, no que diba poder implicar pa les participantes?

 Ye raro, el primer mieu cuando-yos propunxe a toles persones que participen delantre y detrás de cámara yera’l de que se malinterpretara. Quier dicise, que s’adxudicara un tonu o una mirada ensin que me diera tiempu a esplicame. El mieu al prexuiciu. Tanto n’un sentíu como nel contrariu. A lo llargu  del procesu lo que se contaba parecíame tan potente, tan cierto y tan intelixentemente espresao que nun me planteaba nada. Con la recepción inicial -y anque tengo que dicir qu’hasta la fecha la respuesta ye mui bona y superó les nuestres expectativase- sí m’atopé un xuiciu a priori, una colección de comentarios dende la ignorancia (yá non al tema, que tamién, sinón al conteníu del documental) que me recordaren por qué facemos esto. Ta claro que si nun hai una respuesta crítica hacia lo que contamos, el documental que fiximos nun diba ser necesariu.

 

Falamos de llinguaxe: poéticu, críticu, fílmicu… Falamos d’usar les palabres para evitar que les empleen nel nuestru nome o les manipulen. Pero al fin, la persona qu’escribe emite, toma una posición de cierta posibilidá espresiva –nu quiero escribir poder–. La tu mirada como directora d’esti documental qu’escoyó a 21 poetes contemporánees españoles y a otres persones rellacionaes col ámbitu. ¿Cómo se negocia detrás de la cámara la perspectiva personal, la mirada, col deseu d’ofrecer una panorámica, una “compartura” honesta de les duldes de partida?

Entiendo qu’el pensamientu ta en continua construcción, y en dellos asuntos más tovía, porque precisen y se nutren del intercambiu. Nesti sentíu, nun soi la mesma enantes de facer el documental que una vez acabáu. Toles aportaciones de les poetes entrevistaes tán en mí y d’eses idees aprendí, cuestionado, reflexonado. Pa contar la historia que quería contar en Se dice poeta tuve, sí, que negociar col mio puntu de vista -que nun quería omitir- y cola manera de presentar les respuestes ensin alterar el significáu, ensin caer nel riesgu de sacales de contestu, ensin perder rigor nin honestidad. Estos foron los oxetivos: ser fieles a la honestidá de cada entrevista y, al mismo empar, ser fieles a la voz del documental en conxuntu. Queremos pensar que conseguimos esos oxetivos n’equilibriu.

 

Una pregunta de taller: partimos d’una idea, documentámonos, liamos al equipu nel camín. Namás que s’estrenó’l documental, ¿qué te dio’l procesu en cuantes al to puntu d’iniciu, a les tos inquietues personales sobre la to condición d’escritora? ¿Llegasti a conclusiones?

 Sensibilizóme más tovía ente la desigualdá qu’hia na lliteratura, igual qu’en tantos campos, pol xéneru. Y, amás, evidencióme la manera na que les llingües s’imponen y imponen una cosmovisión. Cola difusión del documental he comprobé que dalgunes coses que se critiquen nel mesmu tán tamién nel campu audiovisual (nunca vi a compañeros realizadores aparecer tanto nes fotos que falen sobrl so trabajyu, lo normal foi siempre incluir fotos de rodaxe). 

Llegúe a dalgunes conclusiones cola certeza de que too esto va construyéndose, que nun creo no categórico y que nos matices facemos camín, porque’l camín hai que lu cuida. Falaría citándote, Alba, que me tocó echar “cintura feminista”, y qu’agradezo haber aprendío esto. Anque confiésote, como fixi nel so momentu, que si los tiempos que nos tocaren esixen cintura feminista, y cintura d’esquierdes y cintura llingüística, vamos acabar feches unos cilíndros, o con la consiguiente patoloxía a tratar...

 

Cierro esti canal. Tamién la esperiencia diznos qu’una persona que s’avera a los feminismos nun puede yá depués mirar el mundu de la mesma manera. Y nel to mundu hai munches facetes de ti: l’audiovisual, la comunicativa, pero también la ciudadana, la que toca la maternidá… Vamos dexar eso pa prau sólo un pmigayín. Se dice poeta. Yes escritora. Fálame de les que foren dende la Sofía Castañón escritora que ta acabante d’estrenar esti documental. 

 Pa facer esti documental dexé de ser otres coses, no qu’a tiempu dedicáu (y en realidá qué somos aparte d’aquello que facemos col tiempu) se refier. Pa ser  la directora de Se dice poeta dexé de ser escritora, dexé de ser fía, de ser madre, de ser compañera. Dexé, amás, de ser trabayadora, porque esti foi un proyectu propiu y non dalgo que brindara salariu nengún. Dexé de ser llectora, más allá del conteníu del documental -que nun yera poco. Anque al mesmu tiempu fui tolo anterior dende’l prisma nel que facía la película. Diz Martha Asunción Alonso que la identidá ye dalgo mui complexo, qu’escribe como muyer, pero tamién como española en Francia, como fía de los sos padres... La mio identidá, nesa rica complexidá que tien, viose afectada por esti documental. Y imaxino qu’eso, que t’importe hasta’l puntu de modificate en dalgunos aspectos, ye lo meyor que te puede ocurrir con un proyectu que t’apasiona.


L'amagüesto

Julio González Rodríguez
Llunes 2, Febreru de 2015, 10:52 am

Reproducimos equí’l capítulu siete del cuentu El Carreirín de Barrocande, del escritor tinetense Julio González Rodríguez.

L.lueo de muito tiempo, las casas de los pueblos van zarrándose, ya la L.lamera, nun diba ser menos. ¡Veise la xente ya l.legan los artos!. La casa yeran cuatro parés. La de diantre que tovía tenía l´acometida de la l.luz, taba perbien, pero pola parte d´atrás nun había onde atar un reyo. La mitá´l techo taba nel suelo. Una viga pergrande, posadoiro de coruxas en tantas ya tantas nueites, fíxo-y esbarrigar a una paré. L’hörreo taba según lo dexara Bego, ¡Tando sano´l techo nun tienen problema! Si fora angüaño ya nun taba en pía, nestos tiempos, al non l.lover, aguanta más. Pero una nueite pola setembrada na que facía esi aire de las castañas, ardeo too. Dixenon que fora por culpa de una chispa de la l.luz. El caso ya qu’entamóu na casa, pero col aire que facía pasóu pal hórreo. ¡Nun se podo facer ná! La Fontarica, ensuita, taba l.len de cenizas; dalgunas, como si dalquién las empuxara, entamaban enredar toas xuntas faciendo remolinos, ya selequín, como si garraran un carreirín, díbanse pa riba.

Debaxo, la L.lamera chamuscá. Las puvisas, de la que diban pa riba, diban viendo las casas, los val.les, los montes. De la que diban engaramándose más, diba viéndose too muito meyor. Entos, ¡empezanon vese! ¡Al.lí taban!, ¡yera verdá! Siendas, carreirinos,…entamaban  vese ente los l.lugares. Unos diban pa un l.lao, outros pa outro. Dende Las Ubiñas baxaba ún a los val.les de Quirós. Del Cornón, víanse salir, polo menos duos. Uno d´el.los pasaba pal Cornín, baxaba a Braña Viecha, ya d´eihí tiraba derecho a Vil.lar. Del Puerto, de Vegará, de Tarna, y´asina, un báramo de siendas per toos l.laos.

Ya ¡eil.lí taba!, n´algunos tramos, nun se vía polo mesto del monte, pero barruntábase onde emprincipiaba ya onde acababa. Del Cueto baxaba revirando monte abaxo, enroscábase onde taba muy cuesto. Espués, metíase nel Monte´l Gato; al.lí miánicas paecía que morría, pero volvía salir pol fondo, ente unos ablaneiros que facían de l.linde a las fincas.

Más abaxo, pegao´l rio, como si quixera l.levar la xente a beber del agua, víase´l carreiro baxar, pino abaxo, siempre l.loñe de las casas.

Garra agora una l.lomba ya vei arrimándose a los toxos. Pasa ente unos cortinos, sierra abaxo, col.ladas, val.les, ya espués de pasar unos montes de pláganos, remata derriba´l pueblo  Naraval.

Espués, fixándose perbien nél.la, metíase ente dos penas, baxaba pegá a un regueirín l.len de l.loureiros ya l.legaba a una paré. Una paré, l.lena de mofo ya de artos, que, angüaño barruntábase zarraba tola finca.

Nuna esquina la paré, dos l.lábanas calecían al sol, un sol que selequinamente diba metiéndose tras de Capiel.la Martín.

Veise´l sol perehí pa cul.ló, ya vien la nueite perehíi p’acó. La nueite que tolo tapa ya que tolo escuende, vei tapándonos El Cueto, los val.les, los regueiros, las casas, la xente, las siendas ya los praos; pero de xuro qu´espués outro sol l.legará; outro sol que, miánicas, nos faira ver outro Cueto, outras siendas, outros carreiros, outra xente, ya, ¿qué vos apostáis?,  outro Barrocande.

 


Fonon aquél.los, la xente Barrocande;

Agora son alcuerdos, ya nun queda naide;

Únos tan nel Cueto, outros, l.levoulos l´aire;

Zarrando los güeyos, con él.los pode falase;

¡Qué nun l.lore naide!, ¡qué nun l.lore naide!

Tal paez que nun tán;

Pero,  yá que nun los vemos;

Pa un l.lao ya pa outro van;

l.lenos de xente los carreiros.

Fonon aquél.los, la xente l´Outeiro;

Mirai pa los güeyos, quieren d´ir pal cementerio;

Aquél.los ya nun tan, pero outros vinienon;

Miánicas vos pido: nun dexeis d´ir velos;

¡Na más vos digo: nun vos escaeceis d´el.los!

Tal paez que nun tán;

Pero,  yá que nun los vemos;

Pa un l.lao ya pa outro van;

l.lenos de xente los carreiros.


Poética de muyeres 2014. En Xixón

Pablo A. Quiroga Prendes
Vienres 9, Xineru de 2015, 2:27 am

Esti vienres 9 de xineru, a les 19:30 hores,  el café llibrería La Revoltosa (Xixón) va acoyer una nueva presentación de Poética de muyeres 2014, la antoloxía poética fecha por Helena Trexu y que ta acabante d’espublizar el Grupu Epona.

"Poética de muyeres 2014" , un nuevu volume bien completu y mui bien presentáu, que, diez años dempués de la primer antoloxía, sigue reivindicando la escritura de les escritores asturianes recoyendo nes sos páxines el facer poéticu de numberoses autores: Lourdes Álvarez, Aurora Bermúdez, Sofia Castañón, Llucía Fernández, Mª José Fraga, Paz García, Esther García, Laura García, María García, Mª Teresa González, Irma González-Quevedo, Carmen Guardado, Ana Vanessa Gutiérrez, Elvira Laruelo, Marisa López Diz, Sabel de Fausta, Nené Losada, Alba Llaneza, Mª Xesus Llope, Cristina Menéndez, Marta Mori, Esther Prieto, Belén Rico, Alejandra Sirvent, Naomi Suárez, Helena Trexu y Ana Vega.

 

 Depués de numberoses presentaciones pelos conceyos asturianos, tornen al llugar de ñacencia d'esti trabayu, l'espaciu La Revoltosa de Xixón, onde dende les 19:30 van facer un actu que tará acompañáu de l'actuación del grupu musical Filanda.


1 | 2 | 3 | Siguiente » | Última »»

Últimas
Al azar

Hemeroteca

Buscador