Media


#Ficx54: Llendes acueye l'estrenu estatal de Menandros & Thaïs, Isola, Una novia de Shanghai y Discu Llimbu

Redacción
Martes 15, Payares de 2016, 10:06 am

La 54 Edición del Festival Internacional de Cine de Xixón presenta les secciones de Llendes y Rellumes más híbrides de los últimos años, dos programes cargaos de xoyes del últimu cine d'autor que van amosar al públicu de Xixón estrenos nacionales como Radio Dreams, de Babak Jalali, o La luz incidente, de Ariel Rotter, y el meyor cine esibíu n'otros certames internacionales, como Rosa Chumbe, de Jonatan Relayze; Life and A Day, de Saeed Roostaee o Isola, de Fabianny Deschamps

 

LLENDES

Llendes sigue l'itinerariu marcáu por anteriores ediciones con un cine coraxosu, minuciosu o reflexivu, qu'asume riesgos formales, y nel que la frontera ente la ficción y la non ficción diluise, con Menandros & Thaïs, Isola, Una novia de Shanghai y Disco Limbo. Les cuatro películes son estrenu estatal.

Una novia en Shanghai

Una novia de Shanghai, de Mauro Andrizzi (Arxentina/China). La cabera película del director arxentín inspirase nes clásiques screwball comedies, cola muerte como disculpa. El resultáu ye un filme rápidu, llenu d'absurdos y enriedos sobre'l treslláu del cadabre d'una moza a la so postrera morada siguiendo una tradición del sieglu XVII de casorios ente pantasmes. Andrizzi rodó esti deliriu místicu nuna megaciudá que nun conocía y nun idioma que nun fala y con música de Moreno Veloso y los tangos caleyeros de Daniel Melingo.

Menandros & Thaïs

Menandros & Thaïs, de Ondrej Cikan y Antonin Silar (República Checa, Austria). Película d'aventures esperimental que combina elementos mitolóxicos con contemporaneos. Ópera prima de Silar y Cikan, autor amás de la novela homónima que rellata un gran amor de lleenda y un mayor deséu de vengación. Película con reminiscencies del teatru esperimental, na que queda reflexáu l'oficiu d'escenógrafu de Silar y la formación de Cikan como filólogu clásicu. Títulu que ta ente les estravagancies de Greenaway y l'imprescindible Marketa Lazarova de Frantisek Vlácil.

Isola

Isola, de Fabianny Deschamps (Francia, Tunez). Llírica película que s'introduz nos interiores del drama de la migración n'Europa. Rodada como un documental en Lampedusa y Sicilia n'unu de los momentos más duros de la crisis migratoria, Isola tamién ye una ficción qu'amuesa a una moza china embarazada como una isla en metá del torbolín d'homes y muyeres qu'escapen d'un presente tarrecible en busca d'un futuru meyor. Mientres cunta la hestoria de la protagonista, Deschamps nun nos oculta rescates, identificaciones, muertes…

Disco Limbo

Disco Limbo, de Fredo Landaveri y Mariano Toledo (Arxentina). La ópera prima d'estos dos directores ta concebida como si fuera un cantar pop: mozu quier conocer a mozu, mozu conoz a mozu, mozu namorase de mozu. Y tou en metá d'una fiesta. Landaveri y Toledo plantegen un viaxe a la mente del protagonista como un gran videoclip, coqueteando col videoarte y faciendo que parte de los diálogos sían fragmentos de cantares de grupos y artistes tan estremaos como Fito Páez, The Killers, Dënver, Ricky Martin o Babasónicos.

 

 


Ofrecemos el videu de la VIII edición del FIMI Lisboa 2013

Iván G. Fernández
Miércoles 23, Abril de 2014, 7:33 pm

Nel enllaz siguiente les y los llectores de VËRTIGU van poder ver el videu que grabemos na edición del 2013 de Festival Internacional de la Mázcara Ibérica de Lisboa.

Pincha equí

Foto: Iván G. Fernández


Javier Álvarez - Sunset Boulevar


Martes 4, Febreru de 2014, 12:21 am

Javier Álvarez presentó n'Uviéu el Tormenta Fest el 24 de xineru de 2014. Hores entes del so conciertu grabó esta dulzura pal archivo del festival y la revista Vertigü.


Silvia Quesada, "Antes d'empezar"


Miércoles 8, Xineru de 2014, 10:36 am


6 miradas en red

Tito Montero
Llunes 23, Avientu de 2013, 4:46 pm


Últimas
Al azar

Hemeroteca

Buscador