Sitios


I Festival de Cultura Urbano de Samartín

Xicu Ariza
Vienres 14, Xunetu de 2017, 3:40 am

Esti sábadu 15 celébrase en L’Entregu el “Primer Festival de Cultura Urbano de Samartín del Rei Aurelio”

L'asociación xuvenil Que Nun Apare! entama nel colexu públicu El Coto esti eventu qu’axunta deporte, danza, talleres y música

Esti añu en L’Entregu les tradicionales fiestes de La Laguna tán nel aire énte la falta de Comisión de Festexos, pero esta llocalidá de Samartín del Rei Aurelio nun va quedar quieta. L'asociación xuvenil Que Nun Apare! decidió dar un pasu alantre pa enllenar el vacíu cultural existente -sobremanera pa la mocedá- y por eso'l sábadu 15 de xunetu va entamar el primer festival de cultura urbano del conceyu, un eventu pa tolos públicos que se va celebrar nel C.P El Coto.

Dende les diez de la mañana hasta la una de la madrugada L’Entregu va ser un pueblu enllenu de cultura urbano, entiendo esta como aquelles actividaes que se faen na cai socialmente y con daqué arume alternativo. Amás esti festival tamién nagua por apostar pola multicultularidá, amestando nel programa parte de la esencia de Xamaica, del Bronx y d'África; too ello ensin escaecer los raigaños culturales asturianos. Ye por esto que va haber danza africana, un pasucais de los Gaiteros del Carbón, una auténtica sound system –los potentes equipos musicales artesanales y portátiles que nacieron en Xamaica nos años 50-, espectáculu de circu, y conciertos hiphop y reggae con Dani Antistylo, Sebas SBS, K-Nalón, Guaja D y Allanái Soundsystem.

El deporte va tener tamién un papel bien destacáu nesti festival con un tornéu mistu de baloncesto, zona de skateboard y xuegos y deportes tradicionales asturianos. Pa la organización la pata educativa ye fundamental, polo que va haber talleres de pintacares y globofexia, de graffitti y de risoterapia; amás d’una charra alrodiu la cultura sound system.

A la fin, el “I Festival de Cultura Urbano de Samartín” va ser una montonera d'actividaes pa tolos públicos que van ufiertar daqué distinto al conceyu, apostando amás polos artistes y creadores asturianos y de la Cuenca’l Nalón. Una cita autoxestionada pola mocedá y desendolcada tamién gracies al sofitu de los vecinos y de los comerciantes de L’Entregu.


Lletres, femenín plural. Actos institucionales de la 38 Selmana les Lletres

Redacción
Vienres 21, Abril de 2017, 4:43 pm

Xueves 27 d’abril. Día de les Lletres nel exterior

20h. Centru Asturianu de Madrid

  • Presentación-coloquiu del llibru “Escritores asturianes. Antoloxía de testos n’asturianu y gallego-asturianu”
  • Actuación d’Anabel Santiago 

 

Martes 2 de mayu

10-12h Uviéu. Xunta Xeneral

  • Visites escolares guiaes en llingua asturiana y gallego-asturiano.

10-14h Xixón. Cimavilla

  • Visites escolares guiaes pel barriu de Cimavilla

12h Uviéu. Xunta Xeneral

  • Llectura pública institucional de testos n’asturianu y gallego-asturianu

19.30-21h Xixón. Cimavilla

  • Visita guiada pel barriu Cimavilla. (Máximu 25 persones. P’acutar: 985106741 o splnormalizacion@asturias.org dende’l llunes 24 al vienres 28)

19.30h. Uviéu. Auditoriu (Sala de Cámara)

  • Muyeres y lletres. Actu homenaxe a les escritores asturianes.
  • Llectura dramatizada de restos escritos por muyeres (Con Carla Loga y Ernesto González como actores, acompañaos por Amparo Antuña al pianu)
  • Actuación d’Anabel Santiago

Miércoles 3 de mayu

10-14h Uviéu. Cascu históricu.

  • Visites escolares guiaes

18-21.30h. Corvera

  • Versovera. Atopada poética de Corvera (En colaboración cola Casa de la Llingua-SNLl de Corvera)
    • De 18 a 19.30h nel Centru Cultural de Cancienes
    • De 20 a 21.30h nel Centru Cultural de Les Vegues

19.30h-21h. Uviéu. Cascu históricu

  • Visita guiada pel Cascu históricu d’Uviéu. (Máximu 25 persones. P’acutar: 985106741 o splnormalizacion@asturias.org dende’l llunes 24 al vienres 28)

19.30h. Grau. Capiella de los Dolores. (En collaboración cola Fundación Aula de les Metáfores)

  • Llectura poética al cargu d’Ángeles Carbajal, premiu “Xuan Mª Acebal” de Poesía 2016.
  • Entrega de diplomes del “IV Premiu de Poesía Selmana de les Lletres”, p’alumnáu del conceyu de Grau.
  • Actuación musical d’alumnáu del Conservatoriu Superior de Música Eduardo Martínez Torner

Xueves 4 de mayu

12h. Avilés. Plaza Domingo Álvarez Acebal

  • Inauguración de la V Feria del Llibru y Discu n’asturianu.
  • Presentación del llibru “Escritores asturianes. Antoloxía de testos n’asturianu y gallego-asturianu”

La Feria va tar abierta de xueves a sábado de 11 a 14h y de 17 a 21h. El domingu de 11 a 19h

18h Xixón. Teatru de La Laboral

  • Gala d’entrega de los premios del IV Certame de teatro escolar en llingua asturiana y gallego-asturianu. Cola representación d’obres premiaes y la entrega de premios en toles categorías.

Vienres 5 de mayu. Día de les Lletres Asturianes

12h Mieres. CP Santiago Apostol

  • Actu escolar institucional de celebración de la 38 Selamana de les Lletres Asturianes.
  • Intervención d’autoridades
  • Estrega de premios del XXII Certame de creación artística /lliteraria, XIV Certame de Cartelismu y VI Certame de Creación Audiovisual.
  • Actuaciones

Sábadu 6 de mayu

19h A Caridá. Auditoriu da Casa das Quintas

  • Homenaxe ás nosas lletras.
  • Espectáculu musical País Malva, de Muyeres.

Llunes 8 de mayu

11h Xixón. Teatru de La Llaboral

  • Espectáculu “Histories detectivesques”, de Guayominí Producciones, p’alumnáu de Primaria

19h Corvera. Centru Sociocultural de Les Vegues

  • Representación teatral de “Yeren dos guah.es…(Los versos de Vitor Manuel como obres de teatro”, al cargu de los Talleres de teatro p’adultos de Corvera.

Martes 9 de mayu

11h. Xixón. Teatru de La Llaboral

  • Espectáculo “Disculpe, caballeru”, de ZigZag Danza, p’alumnáu de Secundaria.

19.30h Uviéu. Sala Borrón

  • Entaína a escribir. Segundu concursu de microrellatos improvisaos n’asturianu pa xente mozo

 

 


Qué, ónde y cuándo. Guia pa nun perdese nel GSF

Redaccción
Vienres 31, Marzu de 2017, 4:43 pm

La primer recomendación que vos vamos a faer ye que descarguéis l’APP del Gijón Sound Festival, que yá podéis topar dende va unos díes na PlayStore y l'AppStore

Arranca too esti vienres nel Café Dindurra, a les 19.30h col alderique “La música como productu turísticu y dinamizador cultural de les ciudaes”.  Una charra-alderique moderada por Jorge Alonso y que cuntará cola presencia de Joxean Rodriguez Alonso (Xestor Cultural, fundador y direutor d'Emankor Sarea dende 1989), Mapi Quintana, Isa Muñín (La Vida Alegre), Frank Delgado (CaBeleño), Adriana Cristina García (Doctora n’Historia y Ciencies de la Música pola Universidá d’Uviéu).

El resto de la programación ye la que vien darréu:


Quince nuevos artistes cierren el cartelu de Gijón Sound Festival

Redacción
Sábadu 18, Febreru de 2017, 2:48 am

Manuela, el nuevu grupu de la guitarra y compositor de Franz Ferdinand xunir al cartelu. Destacada presencia de grupos asturianos con una representación d'once artistes. L'Espaciu Mahou, novedá nel Xixón Sound Festival na Plaza Mayor de Xixón va acoyer el Conciertu Mahou Cinco Estrelles con DePedro y Alberto & Garcia

Xixón Sound Festival suma un día más a la so programación completando una ufierta de tres díes: vienres 31 de marzu, sábadu 1 y domingu 2 d'abril.  Amás confirma nuevos artistes: Manuela, Joe Tapecer, Los Bengala, Bumaye!, Isasa, Alberto y García, CAJ (Colectivu Asturianu de Jazz), Alegatu Boogaloo, Plastic Adicts djs, Adolfo Sputnik, Escuchando Elefantes, Fantásticu Mundu de Mierda, Helio Amor, Improviso y Losone que completen el cartelu nel que yá figuraben nomes de la talla de: Julieta Venegas, Glen Hansard, Damien Jurado, Elle Belga, Las Potras, Manel, Max Gamuza, Novedaes Carminha, Ten Fé y DePedro  nel Conciertu Mahou Cinco Estrelles.

Manuela encabeza la llista de nuevos artistes

Con estos quince nuevos artistes la organización del festival da por zarráu'l qu'al so criteriu ye'l meyor line up hasta'l momentu de los cinco ediciones.

Destaca nestes nueves incorporaciones la presencia de, Manuela, nuevu proyectu de Nick McCarthy, guitarrista y unu de los fundadores de Franz Ferdinand, quien nel añu 2016 anunció que dexaba la banda pa formar un nuevu proyectu cola so esposa, la cantante Manuela Gernedel. Pel momentu namás salió a la lluz un cantar de lo que va ser el so primer discu, titulada “Cracks In The Concrete”. Foi grabada nos estudios londinenses Savage In Hockney y nella resuenen los riffs carauterísticos de Franz Ferdinand en perfecta sincronía coles percusiones.

Sábese que'lLP de debú, previstu pa primeros de marzu, cuenta con collaboraciones de Jim Dixon (Django Django), William Reese (Mystery Jets) y Paul Thompson (componente de Franz Ferdinand).

Once grupos asturianos na programación del alcuentru xixonés

Destaca'l claru apueste del festival polos grupos asturianos, traza diferenciador del alcuentru xixonés con un sofitu constante a la escena local: FMM (Fantásticu Mundu de Mierda), Losone, Alegatoo Boogalo, Elle Belga, Adolfo Sputnik, Alberto & García, Max Gamuza, Improviso, Las Potras, Helio Amor y el Colectivu Asturianu de Jazz (CAJ), van dar amuesa del talentu y enormes posibilidaes qu'esiste n'Asturies cuando los artistes reciben ciertu sofitu.

Espaciu Mahou novedá d'esta edición

A estes confirmaciones xúnese como novedá un nuevu espaciu nel alcuentru xixonés: l'Espaciu Mahou, allugáu na Plaza Mayor de Xixón. Entamáu por ún de los principales patrocinadores del Festival, esti espaciu ta concebíu como un puntu d'alcuentru nel que los asistentes al Festival van poder esfrutar de distintes actuaciones musicales.

El sábadu 1 va celebrase la sesión vermú coles actuaciones gratuites de Joe Tapecer presentando'l so nuevu discu “Disco Duro”, del grupu asturianu Alegato Boogaloo formáu por Cris Montull a los teclaos, Manu Molina a la batería y percusión y Miguel Gallego al saxo tenor y el dúu Plastic Adicts djs.

La tarde del sábadu va acoyer les actuaciones de pagu del grupu asturianu Alberto & García, presentando'l so últimu discu “Voladores" y l'esperáu Conciertu Mahou Cinco Estrellas con DePedro.

Van rematase les actuaciones nesti espaciu'l domingu 2 en sesión vermú con entrada gratuita cola Jam Sessión de la CAJ (Colectivu Asturianu de Jazz) y el dj Helio Amor. La collaboración de Mahou con Xixón Sound enmarcase, en pallabres de los promotores del festival, nel so apueste pol ociu y entretenimientu innovador na ciudá.

Gijón Sound Festival fai ciudá

Dende la primer edición de calter urbanu foi una de los grandes oxetivos de la organización qu'adulces va tomando forma y calando n'otres iniciatives. Na ciudá de Xixón yá caló que les iniciatives programátiques y eventos tienen qu'ufiertar sesiones vermú y amosar la ciudá como escenariu, una amuesa de que la propuesta del GSF marcó un antes y un dempués na ciudá.

 Renfe incorpórase como collaborador al Xixón Sound Festival ufiertando tarifes promocionales nel trayectu Madrid - Xixón dende 16,50 € y descuentos del 60% n'otros percorríos. Un añu más va cuntase cola presencia y collaboración de Xixón 30 Díes en bici, siendo la bicicleta'l tresporte oficial del festival

 

PROGRAMACIÓN MUSICAL

A la programación detallada de siguío va sumase l'off festival o fiestes del festival, más de venti locales d'ociu nocherniegu van sumase a la propuesta festivalera con una programación especial. Que van faer que la ciudá de Xixón seya un fervederu la última fin de selmana del mes de marzu

VIENRES 31

FMM + Losone. Sala Subterránea. Dende les 20:00-22:00. 8€Ant/10Taq

Escuchando Elefantes + Glen Hansard. Sala Acapulco. Dende les 21:00-23:00. 18€Ant/20€ Taq

Julieta Venegas + Manel. Sala Albeniz. Dende les 23:00-01:00.18€Ant/20€Taq

SÁBADU 1

SESION VERMU. Plastic Adict Dj´s + Alegatoo Boogalo + Joe Tapecer. Espaciu Mahou. Dende les 13:00. Entrada Gratuita.

Isasa + Damien Jurado. Ilesia de la Llaboral. Dende les 17:30-19:00. 10€ Ant/15€Taq

Elle Belga. Sala de la Pintures. Llaboral. Dende les 19:15-20:15. 5€

Adolfo Sputnik + Alberto y García + el conciertu Mahou Cinco Estrelles con Depedro. Espaciu Mahou. Plaza Mayor. Dende les 20:00-22:00. 12€Ant/15€Taq

Las Potras + Bumaye! + Los Bengala. Sala Subterránea. Dende les 20:00-23:00. 10€ Ant/12€Taq

Improviso. Muséu Barjola. Conicerto Pericuetos. Dende les 20:00h. Gratuitu

Max Gamuza + Novedad Carminha. Sala Acapulco. Dende les 21:30-23:30. 15€Ant/18Taq

Ten Fé + Manuela. Sala Albéniz. Dende les 23:30-01:30. 15€Ant/18€Taq

DOMINGO 2

SESION VERMU. Helio Amor + Colectivu Asturianu de Jazz. Espaciu Mahou. Plaza del Conceyu. Dende les 13:00. Entrada Gratuita

 


IX Outono en Bual

Redacción
Xueves 17, Payares de 2016, 4:48 pm

El IX Outono en Bual confirma un programa con ben actividades pra os días 9, 10 y 11 decembre

 

As xornadas culturales conocidas como Outono en Bual que s’han a celebrar en Bual (Asturias) entre el venres 9, el sábado 10 y el domingo 11 de decembre, pechan el cartel d’este 2016 con un sinfín de concertos, conferencias, talleres, gastronomía, documntales y dalgúa qu’outra sopresa prá xente asistente.

El venres 9, a xornada vei empezar ás 22:30 en Helenias, el local da Frieira xa mítico en Bual unde estos anos d’atrás xa se celebraron os concertos del Outono. A esta hora, vei ferse a presentación das xornadas y un magosto pra todos os que quiran ir. Pra este ano, el Outono vei cuntar con us invitaos ben especiales, Los Adrianos, grupo del llugar bualés de Castriyón ben conocido na contornada que vei fer úa búa verbena popular na sala a ritmo de cumbias y de pasodobres.

Pral sábado 10, a xornada vei tar mui concurrida, porque dende a mañá vei haber ben actividades, que s’han a prolongar hasta entrada a noite. Ás 12:00 vei xugarse na bolera de Llaviada a ún dos deportes tradicionales que máis se xugaba na zona cantábrica da Península Ibérica, a biyarda. Este ano vamos cuntar col II Aberto Villa de Bual de Biyarda, unde se van enfrentar as seleccióis de Galiza y d’Asturias. Este torneo faise en colaboración col Asociación de Deportes Tradicionales del Conceyo de Bual, qu’axeita todo el campo y organiza os xugadores.

El mesmo sábado, ás 16:00, Ramsés Ilesies ha a puer al público dereto y en danza na Casa da Cultura col sou taller sobre baile tradicional da zona Navia-Eo, nel que van poder participar tanto grandes como pequenos y pral que nun se necesitan nocióis d’este tipo de bailes pr’asistir. Esta é a segunda ocasión que nel Outono participa Ramsés Ilesies dando un mini-curso de baile tradicional, qu’ha a valir pra qu’el público s’anime a beilar nos concertos da noite. Despóis d’este taller, ás 18:00, na mesma Casa da Cultura, vei implantarse un formato novo nas xornadas bualesas: é a primeira vez que se vei proyectar un documental y se fai un debate sobre ello. El vídeo vei ser Escombro – Una historia a cielo abierto, de Xaime Santos, que vei tar na presentación xunto con dalgún dos participantes nel trabayo. Trátase d’un documental satírico sobre as minas na parroquia de Tormaleo (Ibias) y sobre cómo as promesas de trabayo y de progreso das minas nun foron máis qu’un espeyismo de corrupción y de especulación.

escombro

Despóis da xornada de tarde, el Asociación Xuvenil Mezá ha a ter preparada a cía. Este ano, y despóis del éxito das edicióis anteriores, vei haber un comedor popular ás 20:45 nel que se van poder degustar productos del país y da terra ben cociaos. Haberá menú «omnívoro» y vexetariano pra todos os gustos y os vales han a poder comprarse durante todo el Outono a un precio colaborativo. A cía vei ser, como noutras edicióis, nel comedor del instituto Carlos Bousoño de Bual, que se cede al asociación de xeito desinteresao por parte da dirección del centro.

Pr’acabar el día, ás 23:30, van empezar os concertos nel Helenias da Frieira de Bual. Os primeiros en tocar van ser Caldo y Os Rabizos, el grupo local vinculao al Asociación Mezá que vei fer beilar a todo el público. Despóis del paso d’este grupo pol programa Luar da televisión gallega, a súa popularidá medróu tanto en Galiza como en Asturias y podería dicirse qu’é ún dos grupos de moda del mundo da música tradicional actual. Despóis, ún dos pratos fortes d’este ano de todas as xornada ha a ser el grupo gallego Fanfarria Taquikardia, que vén de dar úa xira por toda a península y que remata en Bual el sou periplo, sendo esta a primeira vez que tocan en Asturias col sou espectáculo de doce personas nel escenario. El último grupo da noite vei ser Güintervan, conxunto de música balcánica de moda nos festivales gallegos. Pra rematar y pral fin de festa, el pinchadiscos Nochnepitche Esbilla vei fer un repaso da música beilable universal antias de marchar prá casa.

El domingo, xa pr’acabar col intenso IX Outono en Bual d’este 2016, vei ferse na Praza da Iglesia un homenaxe á muyer y al home exemplares del conceyo ás 12:30, unde han a tar presentes dúas personas que foron y son importantes dentro da sociedá bualesa y que necesitaban ser reconocidos públicamente. Han a recibir un homenaxe en forma d’úa placa conmemorativa os vecíos Otilia González, vecía de Froseira, anque natural del conceyo d’Eilao, y Luis da Veiga, vecín de Brañadesella, pro natural da Baxada.

A esto, hai que xuntar a rifa d’úa cesta de productos del país, tanto alimenticios como d’artesanía. As participacióis tán vendéndose y volando nos bares da villa de Bual y el sorteo vei ser el día 11 de decembre. A cesta cunta con productos das empresas Embutidos Pico de Fiel, Queixeiría d’Abredo, Queisos Ca Sanchu, Cosmética Terraveya, Cerveza Caleya, Güerta El Nocéu, Artesanía Verdenaz, discos y llibros en gallego-asturiano, ovos de Pitasana, botellas de La Boalesa, productos de Casa Severón de Navia y muitas cousas máis.

Cumple este mini-festival autoxestionao de música, gastronomía, arte y lliteratura nove anos, dende qu’alló pol 2008 organizara en Bual el Asociación Xuvenil Mezá úas modestas actividades col nome d’Outono Cultural. El fin d’este proyecto é motivar y dar un pouco de vida al occidente asturiano y, sobre todo, espertar as mentes d’aquellos que pasan el día delantre da televisión y da cultura institucional. Tamén, este evento quer ser un acto de reivindicación das dúas llinguas propias d’Asturias, el asturiano y el gallego-asturiano, y por esta razón faise tresversal el uso d’ellas nas xornadas, así como a posta en valor da cultura del país y da súa evolución nel siglo XXI, llonxe d’esteriotipos y de clichés impostos por ningún dogma oficial.

Os actos van ser de baldre. A cultura asequible pral público é a base da filosofía del Asociación Xuvenil Mezá, que xa conseguíu afianzarse y ferse un furaco dentro das entidades organizadoras d’eventos de relevancia cultural en Asturias.

 

 

Programa IX Outono en Bual

 

Venres 9 de decembre

22:30. Gran verbena popular y magosto con Los Adrianos

 

Sábado 10 de decembre

12:00. II Aberto Villa de Bual de Biyarda

16:00. Taller de baile tradicional con Ramsés Ilesies

18:00. Proyección-debate: Escombro – Un historia a cielo abierto, de Xaime Santos

20:45. Cía popular (con reserva)

23:30. Concertos: Caldo y Os Rabizos + Fanfarria Taquikardia + Güintervan + Nochnepitche Esbilla

 

Domingo 11 de decembre

12:30. Homenaxe á muyery alhome exemplares del conceyo de Bual


1 | 2 | 3 | Siguiente » | Última »»

Últimas
Al azar

Hemeroteca

Buscador